Forteresse militaire du 13è siècle au coeur des Deux-Sèvres

1460 : Rédaction d'un document administratif désigné sous le nom de Prisée, décrivant scrupuleusement l'état du château au XVe siècle

Prisée de la valeur des terres et seigneuries de Secondigny-Beceleu et Coudray-Salbart, en 1460. (Arch. Nationales.0. 19-712)

---------- Voici une copie de la prisée en Francais Ancien ----------
---------- Aucune transcription n'a été faite, M.P. Baudry ----------
---------- nous apporte dans sa maitrise quelques essais. ----------

Et premièrement devant le pont dormant dudit chasteau a une petite porterie du costé demain senestre contenant toyse el demye en carre ou environ couverte a la coustumme du pays et de l'autre cousté amain dextre a une petite muraille contenant environ une toyse et demys de hault et par deshort ung petit appentiz couvert a la coustumme du pays. Entre deux a une barrière et ung guichet et y faut bien de reparation enron pour dix livres.

Item entre le pont leveiz et la barrière a ung petit pont dormant de loyse et demys en carre et tenant dicelluy pont leveiz faut plancher bien en bon estat.

Item ung petit portal avant quon soit en la basse court duquel les murailles contiennent XL piez de hault ou environ et de large une toyse et par le dedans XV piez de hault.

Item entre icelluy portal ou est le pont leveiz a ung bolevart qui contient dix toyses de long et huit toyses de large et a la muraille dudit bolevard XXXV piez de hault par dehors et par le dedans dix piez ou environ et toyse de large et carnelle lesdites murailles de mesmes auquel bolevart fault bien de reparation huit toyses ou environ chacune toyse du pris de IIII livres pour ce quelle est de pierre de taille vallent pour tout XXXII livres.

Item a l'entrée de la basse-court a une tour emprés la porte du costé demain senestre de soixante piez de hault ou environ laquelle tour est de mesmes carnellee et voultee par embas.

Item de l'autre cousté demain dextre a une autre tour pareillement machecollée par hault et font le portal dicelluy cousté machecollé et a icelle tour a une voulle par embas.

Item ont les murailles dicelluy portal toyse et demye de hault ou environ et dessus icelluy portal a une chambre contenant deux toyses ou environ.

Item du costé demain destre est la chapelle qui contient dix toyses de long et troys et demy de large et est en appentis devers la court qui est en très mauvais estat et la fautldroit refaire (-) de tout neuf du cousté devert la basse-court du chastel ou fauldroit bien de réparation pour LX li.

Item en le coing de la dite basse court depuis le portal du cousté de main destre jusques a la tour du molin a ung pand de mur qui contient XXXVI toyses de long et de haulteur par le deshors jusques au bor XL piez et XXL piez par le dedans ou environ et de large une toyse ou environ dont les petits murs (-) sont en mauvais estat.

Item en ladite bassecourt a une petite maison a plancher contenant six toyses de long et de large III toyses couverte dessus ala coustumme du pays.

Item de l'autre couste de ladite bassecourt amain senestre a ung autre pand de mur jusques ala tour de Bois Berthier qui contient de long L toyses ou environ et dehors XL piez de hault ou environ et par le dedans XXV piez ou environ et de large toyse et demys ou environ et devant ladite muraille sont les estables et le (femoir?) en appentiz qui ont de long XVI toyses et de large troys toyses ou environ couvertes ala coustumme du pays dont les petiz murs dudit pant sont en mauvais estat.

Item en ladite bassecourt a une maison ou est le four qui contient de long VI loyses ou environ et de large deux toyses ou environ couvertes sont dessus dont le (-) dun des coultés dicelluy four est en ruyne et icelle maison au four tient a ung petit appentiz au couste qui est et gasté et contiennent lesdites réparations dudit four et muraille avec (-) environ pour LX li.

Item en ladite bassecourt a plusieurs logements ou se souloient retraire les bonnes gens par le temps de la guerre lesquels logements sont tous cheus a terre.

Item et pour entrer de ladite bassecour a ung pont dormant de boys qui a IV toyses et demys de long ou environ et toyse de large ou environ et en montant sur icelluy pont a une eschelle de pierre qui a huit degrez et entre ledit pont dormant et l'entrée dudit Chastel a ung pont leveiz qui se tire par le dedant à une poulie et une corde et se portent lesdits deux ponts sur ung pillier de pierre.

Item est (-) l'entrée dudit chastel a une tour ronde non couverte appelée la tour du Portal qui contient de haulteur LXX piez ou environ et y a deux voulstes l'une à l'entrée et lautre par dessus en laquelle a une cheminée et du costé demain dextre est la veiz pour monter en ladite. Et est ladite tour toute descouverte et les crénals cheus et gastés.

Item depuis icelle tour jusques ala tour du molin a ung pand de mur contenant XI toyses de long ou environ et de largeur deux toyses et demys ou environ tout fait ledit pand a contre mine et est tout crénellé de mesmes et contient de haulteur par le deshors L piez ou environ et par le dedans XXV piez ou environ.

Item au coing dicelluy pand a une tour a deux voultes appellée la tour du molin, contenant de hault par le deshort devers les fousses VIXX piez ou environ et par le dedans du premier estage jusque au hault a une veisse de soixante six marches et par dessus le pavé de ladite tour contient IV toyses et demys de largeur.

Item depuis icelle tour du molin dicelluy couste jusques a la grosse tour a ung pand de mur contenant XVII toyses de long ou environ et de largeur III toyses et demy ou environ tout contreminé et de haulteur par le deshors LX piez et par le dedans XL piez ou environ lesquelles contremines sont toutes à canonières et arbalestrières (-) icelluy pand (-) portes pour yssir en la douhe et au droit de ladite porte a une pouterne par dessoubz la douhe toute voultée qui passe par dessoubz la douhe (-) pour yssir devers la rivière.

Item depuis icelluy pand au bout (-) dudit pand est la grosse tour dudit chastel contenant soixante piez de hault ou environ et pour monter en icelle jusques au premier estage de ladite tour a IIII toyses et demy de long et quatre de large dune fenestre garnye double de lautre couste garnys de retrait de canonières et darbalestrières et contient depuis ledit estage de haulteur jusques a la voulste XXXV piez ou environ et icelluy estage a une cheminée jusques au hault de ladite tour.

Item depuis icelluy jusques a hault de ladite tour a une veisse pour monter au hault de ladite tour qui contient LVIII marches et est ladite tour toute pavée dessus et contient pour X toyses de travers contenant de haulteur par le deshors XIIXXX piez et par le dedans C ou environ. Item depuis icelle tour jusques ala tour de saint michiel a ung pand de mur contenant huit toyses et demy de long et de largeur III toyses et de haulteur par le deshors LX piez et par le dedans XL piez ou environ tout contreminé par embas et tout ce a main destre.

Item depuis ladite tour du portal de lautre part amain senestre et en lentrée dudit portal a ladite main senestre par le dessoubz unes petites prisons voulstées contenant deux toyses de long et une de large ou environ.

Item depuis ladite tour du portal dicelluy cousté a ung pand de mur contenant XVIII toyses de long et de largeur III toyses ou environ et de haulteur par le deshors LX piez ou environ et par le dedans XXV piez tout contremine et les contremines faictes a archières et canonières deffensables par le dedans et par le deshors et est ledit pand depuis la tour du portal jusques a la tour de boyberthier.

Item et aubout dicelluy pan de mur du couste de ladite main senestre a une tour appellée la tour de boyberthier voultée a deux voultes et une cheminée en la première des voultes qui est fondue et contient de haulteur par le deshors VIXX piez et par le dedans IIIIXX piez ou environ par le dessus toute pavée de terre et contient de longueur ledit pavé VII toyses.

Item depuis icelle tour jusques a la tour double a ung pand de muraille qui contient XVII toyses de long et troye de larges ou espesses ou environ et de haulteur par le deshors LX piez et plus et par le dedans (-) piez ou environ a lendroit duquel pand par dedans souloit avoir une salle grande qui est toute cheute et y a bien peu dapparence.

Item et au bout dicelluy pand a une grosse tour appellée la tour double contenant C piez de hault et plus et neuf toyses de large par le premier estage du bas garnys de deux voultes lune dessoubz et lautre dessus et a depuis ledit estage une autre tour antée en icelle par dessus voultée dune voulte et ung autre estage outre la voulte et contient par le dessus V toyses de traverse et peut bien avoir L piez au dessus de la grosse tour sur quoy elle est assise.
Item depuis icelle grosse tour jusques a la tour saint michiel a ung pand de muraille contenant IX toyses de long et troyes toyses de large ou environ et par le dedans C piez ou environ et par le deshors de haulteur C piez ou environ tout contreminé par le bas comme les autres à archières et canonières à combatre par le deshors et par le dedans et apié de mur et sont tous les autres pands ensuivants ainsi contreminés.

Item au bout dicelluy pand est la tour saint michiel au meillieu dudit chastel qui contient CX piez par le dehors et par le dedans IIIIXX piez ou environ laquelle tour est vouistée de deux voultes lesquelles celle de dessus est fondue et peut bien avoir ladite tour par dessus de traverse VII toyses ou environ et toute la muraille dudit chastel bassecourt et bolevart est toute faiete de pierre de taille et de poincte de marteau et par le dehors voultées et contreminées eschelle et (-) à veiz dequoy ladite muraille et lautre tour est desgarnye et desgarlandée et par le dessus et machecoleys et carneaulx par quoy toutes les voulstes desdites tours et contremines (-) chet pluye en fondent et passe leaue parmy au très préjudice et dommage de ladite muraille et tours et y fauldroit bien de réparation pour mi. Li.

Item du cousté demain dextre en dedans dudit chastel a une tour et ung pand de mur faisand dune autre forteresse ancienne et alentour dicelluy pand a une chambre double garnye dune cheminée et dessoubz ung cellier et contient V toyses et demys de long et de large deux toyses ou environ et a lun des bouts a une tour voulstée dune voulste et a lautre tour a une tour voulstée a une cheminée dedans (-) icelle tour a une petite chambreste et retraict après et en laquelle forteresse est le puis necessaire pour ledit hostel atirer leau.

Item et de lautre cousté a main senestre a une autre chambre en appentiz contenant huit toyses de long et deux toyses et demye de largeur ou environ et au bout de ladite chambre dubout devers la porte a ung petit retraict de toyse et demye de large et de longueur de largeur de ladite chambre et à l'autre bout a une autre petite chambre qui a III toyses et demye de long et deux et demye de large ou environ en laquelle chambre ou se tient le capitaine de ladite place a ung petit vergier de deux toyses de long et une toyse de large lesquelles choses dictes en (-) bien de réparations pour XXXVIII li.

Item place a une garenne connil qui contiens de long IIC pas et de large C pas ou environ en laquelle y a milz connilz et y a deux fuyes lune à dextre et lautre a senestre dudit chastel desquelles y a mils pigons.